BL-Community   »   藍婷聚

關於整容的對話

有一天，在商場洗手間內，聽了兩位大概18-22歲的女孩子的一段對話。

甲：「我想整容，我想隆鼻！」
乙：「整囉！」
甲：「我無膽啊！」
乙：「那先整個膽！」

她們一來一往，整容.......只說無膽，不是說無錢!!若無其事，態度認真……

又有一次，為某機構的服務員工做形象培訓工作。有一位女孩子問，在那裡做隆鼻低隆胸好呢？韓國那邊是最好最安全嗎？

這幾年，整容，隆胸，似乎已非演藝人專利，一般女孩子，也被韓國的女性整容如化妝般的生活意識形態風氣影響了……蠢蠢欲動。

既非有意選美，又不是做演藝人靠面孔食飯，點解整容？這女孩子20出頭吧，
我問她：你已經好靚，點解要整容呢？

「想靚啲！」
「如何為之靚啲？」
「鼻高了，胸大了，就是靚！」
「你現在的條件也不錯……如何為之夠高夠大？」
「總之，再高啲再大啲！」
「靚啲又點？」
「靚啲吸引啲！」
「吸引啲又點？」
「男仔鐘意多啲，開心啲！」
「開心啲又點？」
「開心啲就是開心囉!」
「講到底都是想自己開心啫，可以有好多方法……你開心只係靠個鼻同個胸咋？如果第日個鼻唔夠高，個胸又唔夠大，咁你又唔開心，點算？」
「個鼻高了都會失戀！個胸大了……男朋友或老公都一樣可能有第二個第三個女人……」
「你以後的面容可能會繃緊，可能常要花費繼續維修；仲有日子久了會走樣……講到胸，以後日子都有機會會脹大點的，如果要裝的話，都有好多方法……」

「做得一次就有第二次第三次，如此下去，跌了入陷阱而不知；而且沒有保證完全成功，就算保證都不好就此妄信！」
「但係，唔會只得個鼻同胸，我個鼻同個胸，須要同我成個人配合架嘛，咁樣嘅自己就係靚啲啦！」
「你自己都識講，須要同你自己成個人配合啦，你可以有好多方法做好成個配合嘅！你自己想想吧！」

人靚了而開心了，是真有其事的，但開心只從違反自然式的外求而得，就是自己搵自己笨，只要一定程度基本外求，學懂更大的程度從內求(從自己內心孕育)，那就自己做自己主人，掌控自己開心多一點！

一切唯心造！